Ons het vir Ouma Mara gaan kuier, want sy is baaaie siek, maar almal het die groot ontmoeting vreeslik geniet.
Oupa Wes het my amper opgevreet, en hy sê ek is baie mooier as my pa (al dink my pa nie so nie) ...
Ouma Mien was vreeslik bly toe ek vir haar kom ontmoet het in Winburg (of is dit nou Windburg, want die wind het vreeslik gewaai, en daar was stof orals). Ek het 'n lekker vrot doek by Ouma Mien gelos. Sy sal my vir 'n lang ruk onthou.
Conraad en Verushka was ook baie gaaf, maar Verushka sê sy's bang vir my want ek gaan breek.
Pappa sê Liewe Jesus het my gemaak om deur 'n té klein tonneltjie geforseer te word, so ek sal nie sommer breek nie.
Ek moet net nie val nie.
Groete
Jan-Hendrik
