Daar is seker nie 'n lekkerder plek om te lê en slaap as Pa se borskas nie. Pappa vryf ook al sy winde uit, en maak seker baba is rustig voordat Mamma borsvoed.
"M" is for "Monster". Nie regtig nie. Jan-Hendrik is 'n soet baba, wat baie slaap, en eintlik maar min huil. Hy was vanoggend weer saam met ons dorp toe, en was die hele tyd stil en tevrede.
Sy Ma is vreeslik lief vir hom; hulle slaap langs mekaar op die bank voor die TV en op die bed.
Ek kan nog nie lekker uitmaak watter kleur sy ogies is nie - baie donker, met 'n effense groen by (dalk soos Ouma Cornelia). Ons sal maar sien soos hy groter word.
Groete vir almal. Jan-Hendrik, Ma en Pa.
