Oom Marius het verjaar, en ons het almal die naweek by hulle gaan kuier op die wildsplaas by Hoedspruit. Sy gesin het hom verras met 'n helikopter vlug van sy huis af na die plaas toe, en ek is seker hy het dit vreeslik geniet.
Vir al die oumas en oupas, ooms en tannies, maatjies, en sommer ook die res van die wêreld - om dag tot dag te sien hoe pragtig ons kind is.
Thursday, January 29, 2009
En kan ek speel? Watch my!
Badtyd !!
In ons huis is badtyd, eettyd, en poefietyd, ook speeltyd!! My baddens word al langer (amper soos swem), en ek word ook party keer op my magie neergesit, dan hap ek die water want dit lyk so lekker. My Ma sê ek het 'n cute tottie. My Pa sê 'n mens (of eerder 'n vrou) maak nie grappies oor 'n man se meneer nie. Hy het in hierdie fotos my "meneer" weggesteek.
Ek en my baie gesigte ...
Ek het geleer hoe om my gesiggie op baie verskillende manier te trek. My Pa sê ek word te gou groot. Op hierdie fotos is ek VERBAAS ("no way!!"), NUUSKUKRIG ("ek verstaan nie, sê weer.."), MOER SLIM ("bietjie soos my Mammie"), ADORABLE MET KISSING LIPS ("soos my Pappie"), en BAIE TEVREDE ("vir my om vuil te maak, vir julle om skoon te gaan maak").
Friday, January 9, 2009
Ek en my gesin..
Die Bouwertjies kom kuier vir Mamma
Tannie Ciska en die twee seuns, Craig en Graham, het vir Mamma kom kuier op haar verjaardag. Hulle het saam met die honde geswem, en ek dink Craig het sy oë onder die water oopgemaak.
Mamma verjaar !!! Sy word ... (OK, ek mag nie sê nie)
Pappa het vroeg vanoggend vir Mamma gesing. Ek begin nou al van die woorde vang, maar ek kan hulle nog nie mooi uitspreek nie. Maar ek het probeer.
Pappa het my in hierdie springbokvelletjie toegedraai en vir Mamma gegee en gesê: "Dé; hy't 'n vuil doek". Ek dink ek was Mamma se geskenkie ... en my doek was Mamma se verrassingtjie...
Pappa het my in hierdie springbokvelletjie toegedraai en vir Mamma gegee en gesê: "Dé; hy't 'n vuil doek". Ek dink ek was Mamma se geskenkie ... en my doek was Mamma se verrassingtjie...
Nog doopfotos ...
Doopfotos !!
Ek word gedoop!! 4 Januarie 2009
Dis die oggend voor die doop. Almal is baie mooi aangetrek. Mamma lyk pragtig (my Pa sê dit die hele tyd vir haar). Ek word gedoop in dieselfde kleertjies waarin my Pappa gedoop is toe hy 'n baba was..
Mamma, Ouma, Verushka en Elmien het vreeslik baie kos gemaak vir al die mense wat na die doop by ons kom kuier het.
Die aand voor my doop
My Oupa en Ouma van Potch en ook Oom Andrew en Tannie Tanya het ook kom kuier want more word ek gedoop!
Subscribe to:
Posts (Atom)