Zimbali is 'n pragtige (en baie moeilike) baan. Ons het maar lekker gesukkel, maar dit tog vreeslik geniet.
Vir al die oumas en oupas, ooms en tannies, maatjies, en sommer ook die res van die wêreld - om dag tot dag te sien hoe pragtig ons kind is.
Wednesday, September 30, 2009
Trek in op Zimbali ...
Pa het met 'n gholfkompetisie 'n paar maande gelede 'n week se verblyf op Zimbali gewen, en ons het die Maandagoggend daar ingetrek. Baie smart ... Pa sê dis dalk so bietjie té smart vir hom, maar ons se nie "nee dankie" nie. Dit was eintlik baie lekker. Om elke oggend met so 'n uitsig wakker te word is iets om aan gewoond te raak!
Terug op die strand !!
Gedurende die dag ...
Die nag na die groot strand en son ...
Lekker op die strand!!!
Met vakansie by die see!!!
Wednesday, September 16, 2009
Geskenke oopmaak!!!
Dit is die volgende oggend, en ek en my Ma is besig om al my geskenke oop te maak. My Pa sê ek het nou hopeloos te veel speelgoed; genoeg om te hou vir baie jare (sommer vir al my boeties ook). My Ma het die geskenk-oopmaak baie meer geniet as ek. My Pa het net gesit en fotos neem. Af en toe 'n traan op sy wang afgevee of probeer wegsteek.
Hier is die geskenk wat ek by Oupa Chris en Ouma Riana in Virginia gekry het - 'n geel grassnyertjie waarmee ek die hele wêreld vol loop. Maar alleen loop wil ek nie. Ek kruip nou teen 'n wêreld-rekord pas. My Pa sê hy dink nie ek gaan ooit loop nie. Ek gaan sommer net een dag begin hardloop, en dit by die trappe op en af...
Ander gaste by die partytjie
Al my maatjies by die verjaardag partytjie
Ek ken sooo baie maatjies; my Pa sê hy kan onmoontlik almal wat by my partytjie was op hierdie blig sit. Hier is 'n paar van hulle. My Pa ken ook nie al die name nie - hy herken darem vir Theunsie en Nico, en klein Zune. My Ma sal later al die naampies op die blog sit (en die spelling van hulle name regmaak)
Die verjaardag tafel ...
Ons het die partytjie op die stoep by die huis gehou (by die veilige swembad met die net). Alles was perfek en nogal ordelik op die tafel gedek - elke maatjie het sy eie eetgoed, geskenkies en sappie gehad, maar die realiteit van die situasie was dat hulle tog alles gedeel het. As jy klaar is met 'n koekie dan gooi jy hom op die grond. Die volgende maatjies sal hom dan optel en verder eet. Wonderlik om 'n kind te wees!!
Die groot dag het aangebreek - EK IS EEN!!!
My ouers beplan vir my eerste verjaardagpartytie ...
Ek weet, ek weet - die blog is al weer omtrent twee weke agter. Ons huis was die ene rep-en-roep, en grootskaalse beplanning vir Boeta se 1'e verjaardagpartytjie. Die tema was Finding Nemo (kyk - sy Marathonklub naampie is mos Nemo... danksy Marius Human). Daar was (en steeds is) Nemo goed reg oor die huis, en ons weet nou alles van daai klein vissie af.
Uiteindelik - 'n net op die swembad!!!
Ons het nou 'n mooi BLOU net op die swembad om vir Jan-Hendrik veilig te hou. Hy het dit onmiddelik uitprobeer - hy het nie gesink nie, maar hy en die honde het 'n nuwe speelplek ontdek. Na'n uur se speel in die water saam met Rassie moes ons hom gaan bad, en hy was vreeslik ongelukkig hieroor. Hy is MAL oor water.
Subscribe to:
Posts (Atom)