Ek weet, ek weet - die blog is al weer omtrent twee weke agter. Ons huis was die ene rep-en-roep, en grootskaalse beplanning vir Boeta se 1'e verjaardagpartytjie. Die tema was Finding Nemo (kyk - sy Marathonklub naampie is mos Nemo... danksy Marius Human). Daar was (en steeds is) Nemo goed reg oor die huis, en ons weet nou alles van daai klein vissie af.
Jan-Hendrik het ook seker iets vermoed, want hy was baie opgewonde as hy die partytjie goeters gesien het. Sy Ma was 'n absolute ster. Ek het nie veel gedoen nie behalwe om swaar goed rond te dra (soos 'n regte Pa).
