2009 was vir ons baie goed, en ons Swanepoeltjies voel baie geseënd. Dit gaan baie goed met ons almal by die werk en by die huis, en ons word omring deur fantastiese vriende en familie. Ons bid dat dit vir altyd so sal bly!!!
Ons het regtig nie veel gedoen nie. Ons het met die honde gespeel, geswem, en gebraai. En ek het my Pa se skoene probeer volstaan.. Groot pote - hy, sjoe!!
Kliek hier om te kyk hoe mens dit doen!! Let veral op hoe ek my kop afhou, en hoe ek my gewig na my linker voet toe verplaas. Net soos Ernie!!
As mens oefen, word jy beter.. En ek het besluit om baie aan my gholf te werk, want ek het regtig baie talent. Kyk my groot gholfstok, my perfect swing, en ek het selfs 'n goeie follow through. Kyk net - my Pa het my (vir nou) die overlap grip geleer - my hande is glo nog te klein vir die interlock. Ek vorder elke dag, en as ek so aanhou sal ek een van die dae beter speel as meeste van die dames by die klub...
'n Lekker groot ontbyt in Potchefstroom!!. Kyk die tafeldoek - ek dink my Oupa Jan is so effe eensydig waar dit kom by sy rugby!! Ek glo daar is niks beter vir ontbyt as 'n groot stuk waatlemoen, 'n stukkie brood, en lemoensap.
Ons speel buite, en JY, ja JY kan ook gerus gaan buite speel!! Dis goed vir jou!!
Hier speel ek saam met Ouma Corrie die klavier (my Pa het dit ook glo gedoen toe hy klein was). En ek weet hoe om hard en sag te speel, en ek lig ook my hande op as Ouma haar hande oplig. En na 'n vol dag se speel en opwinding, het ek lekker diep geslaap.
Eers sit jy die spyker in die gaatjie, en dan slaat jy hom met twee hande baie hard, nog steeds met die verkeerder (skerp) kant van die hamer!! Oupa was baie beindruk met my!!
Later Kersdag is ons Potch toe om by my Oupa Jan en Ouma Corrie te gaan kuier. Ek het sommer baie Kersgeskenke gekry, een van hulle hierdie pragtige rooi kruiwa!!
Almal het op Kersdag heerlik om die swembad gekuier - 4 geslagte, en almal is baie gesond en geseënd. Oupa(grootjie) het net gesit en gekyk na al hierdie kinders, kleinkinders, agterkleinkinders, skoonkinders, skoonagterkleinkinders, ens.
En wat is Kersfees sonder 'n bietjie reën? Die kuier het binne toe beweeg, behalwe vir 'n paar manne wat onder die beskerming van die lapa gekuier het.. My Pa was bly, want hy wou nie weer swem nie..
Hier is my Ma se broers en hulle vrouens. Hierdie Kersfees is ons almal lekker saam! En hier is my nefies (Mamma se niggies se kinders), en ek kry die idee ek was die enigste onsosiale een van hulle almal ...
