Agter die huis, by die kombuis deur uit het ons hierdie naweek 'n hout skem gebou van ou houte wat ons "recycle" het (ons hele erf is nou al vol van hierdie herwinde hout - voel goed om groen te wees). Die hele idee is dat Marinda se pasiente nie ons wasgoed op die draad moet sien wanneer hulle kom vir behandeling nie. Die paadjie aan die regter kant is waar die pasiente sal loop. Die skerm kort nou net olie, en die area daarbinne 'n sement vloer. Dis volgende week se werk.
In die proses het ek amper my vinger afgeskaaf. Vuil skaaf, stomp vuil lemme, duisend amper-vrot teer en sianied besmeerde houte agter die rug, en toe die kant van my neuskrap vinger. Dis nou al twee dae later - dit lyk al beter. En dit ruik nie meer so sleg nie. En die koors is besig om te verdwyn, So-ook die asemnood en die rash. Ja - ek sal waarskynlik genees.
